02 апреля 2008 г.
Кăçал май уйăхĕн 19-мĕшĕнче пирĕн паллă ентешĕмĕр,чăвашсен пĕрремеш профессорĕ, «Хыпар» хаçата йĕркелесе яраканĕ Н.В.Никольский çуралнăранпа 130 çул çитет.
Çак ятпа Уйкас-Янасал ял тăрăхĕнчи Н.В.Никольскиймузейĕн ĕçченĕсем районти шкул ачисене викторинăна хутшăнма ыйтаççĕ.
Викторинăна хутшăнакансен хуравсене çак адреспа ярса памалла:
Муркаш районĕ,Ваççкасси ялĕ,Ленин урамĕ,1 «в» çурт,Н.В.Никольский музейĕ. «Паллă ентешĕмĕре халаалласа» викторина.
Викторинăна хутшăнакансен хуравĕсене ака уйăхĕн 30- мĕшĕччен йышăнаççĕ.Хăвăр хăш ялта пурăннине,мĕнле шкулта вĕреннине, клане тата хушаматăра,ятăра сырса яма ан манăр!
1,2,3-мĕш вырăн йышăннисене дипломсемпе сумлă парнесем кĕтеççĕ.Хуравсене туллинрех çырса парсан аван пулмалла.Палăрнă ачасене çу уйăхĕн 19-мĕшĕнче Н.В.Никольские халалланă пысăк уявра Сосновкăри вĕрентỳпе культура центрĕнче чыслаççĕ.
Викторина ыйтăвĕсем:
1.Н.В.Никольский ашшĕ тата амăшĕ мĕн ятлă,камсем пулнă вĕсем?
2.Н.В.Никольский Иван Яковлевичран миçул кĕçĕн?
3.Миçе ачаллă çемьере ỳснĕ пирĕн паллă ентешĕмĕр Н.В.Никольский?
4.Н.В.Никольский «Хыпар» хаçата хăçан йĕркелесе янă?
5.Хусан кĕпĕрнин земство председателĕ пулма Никольские хăш çулта суйланă?
6.Миçе аслă пĕлỳ илнĕ Н.В.Никольский?
7.Кỳршĕри Мари Республикинче кам пулса ĕçленĕ пирĕн ентеш?
8.Н.В.Никольский тĕрлĕ музыка хатĕрсемпе вылянă,хăшĕ вĕсенчен унан юратнă музыка инструменчĕ пулнă?
9.СССР Вĕрентỳ министерстви Н.В.Никольские хăш çулта истории наукисен докторĕ ят панă?
10.Н.В.Никольский «Юмахсем» кĕнекене миçемĕш çулта пичетлесе кăларнă?
Источник: "Çĕнтерÿ ялавĕ"