Публикации » Публикации » Ветерансен Канашĕн ларăвĕ иртрĕ

18 сентября 2018 г.

17 сентября 2018 г.

Иртнĕ ытларикун Шĕнерпуç ял хутлăхĕн администрацийĕнче ветерансен Канашĕн ларăвĕ иртрĕ. Унта асăннă Канашăн халиччен туса ирттернĕ ĕç-хĕлне пăхса тухрĕç. Отчетпа Н.Васильев председатель тухса калаçрĕ. Ветерансен Канашĕ çумĕнче 5 комисси ĕçлет. Палăрăмлăрах ĕçсен шутĕнче çаксем пулчĕç, Хурапха тата Чураш ялĕсенче вăрçăра пуç хунисене асăнса лартнă палăксене тĕпрен юсассипе пысăк ĕç туса ирттернĕ, 79 çынна "Вăрçă ачисем" асăну медалĕ панă. Çавăн пекех ветерансем культурăпа массăллă тата спорт мероприятийĕсене активлă хутшăннине те палăртса хăварчĕç. Нумайăшĕ пултарулăх ушкăнĕсемпе тĕрлĕ конкурс-фестивальсене тухса çỹреççĕ. В. Афанасьев тата В. Петров вара районти шашкăпа шахмат ăмăртăвĕсенче пĕрре мар призерсем пулса тăнă. Ветерансене ялсене тирпей-илем кĕртесси те канăç памасть. Çỹп-çапа ялтан илсе тухасси çинчен те калаçрĕç вĕсем. Ларура çĕнĕ председатель суйлас ыйтăва та хускатрĕç. Халăх ыйтнипе ветерансен Канашне ертсе пыма ку хутĕнче те Н. Васильевах шанчĕç. Юлашкинчен Николай Федорович пухăннисене пĕр шухăшлă пулса кирек мĕнле ĕçе те йышпа пурнăçласа пынăшăн тав турĕ.

А.КУЗЬМИНА.

Источник: "Наше слово" ( Мариинско-Посадская районная газета)