20 апреля 2015 г.
Виçĕмкун Раççей Президенчĕ ирттернĕ «Тỹрĕ лини» валли пĕтĕмпе виçĕ миллион ытла ыйту йышăннă. Владимир Путин 3 сехет те 57 минута тăсăлнă тỹрĕ эфирта 74 ыйтăва хуравлама ĕлкĕрнĕ, Раççейĕн тулашри тата шалти политикинчен пуçласа çĕршыв ертỹçине хăйне тỹрремĕнех пырса тивекенни таранах ыйтусем пулчĕç. Çĕршыв ертỹçипе иртнĕ анлă калаçу нумайăшне кăсăклантарчĕ. Калаçăва Владимир Владимирович çулталăка пĕтĕмлетнинчен пуçларĕ. Иртнĕ çулшăн кăтартуллă пулăмсен шутĕнче вăл чи малтанах Крым, Севастополь Раççейпе пĕрлешнине, çĕршыв тулашри кăткăс экономика условийĕсенче пурăннине палăртрĕ. Тата, паллах, Раççейшĕн питех те ăнăçлă Олимп вăййисем.
Источник: "Наше слово" ( Мариинско-Посадская районная газета)