11 февраля 2009 г.
Хальхи вăхăтра выльăх-чĕрлĕхе хĕл каçармалли тапхăр пырать. Кăтартусем ăçта мĕнлерех?
Паян хуçалăхсенче сумалли 1528 ĕне. Пĕлтĕр вĕсен шучĕ 1591-пе танлашнă. Кашни ĕне вăтамран 8, 9 килограмм сĕт антарать. Тупăшлă ĕçлесе пыракан хуçалăхсен кăтартăвĕсем татах та лайăхрах. Сĕт туса илессипе "Свобода" колхоз чи малта. Кунта ĕне пуçне талăкра 13, 8 килограмм сĕт сăваççĕ. "Коминтерн" – 12, 9, "Победа" – 11, 8, В.Никитин фермер хуçалăхĕ – 10, 3, "Авангард" – 9, 6.
"Асамат" хуçалăхри ĕнесем вара талăкра 3, 9 килограмм продукци параççĕ. Иртнĕ çулхи кăтарту 6, 2 килогрампа танлашнă. Сĕт чакнин сăлтавĕ ăçта-ха; Каламасăрах паллă ĕнтĕ – апат рационĕ япăххинче, фермăсенчен илекен тупăша ÿстерме условисем çуккинче. "Ĕнен сĕчĕ чĕлхи çинче", тесе ахальтен каламаççĕ çав.
Источник: "Пирěн пурнăç"