28 января 2009 г.
Волейболла выляссипе район чемпионачĕ пырать. Çак кунсенче «Фемида» (район сучĕ) ушкăн «Динамо» (шалти ĕçсен пайĕ) командăпа тĕл пулнă. Çивĕч кĕрешÿре суд ĕçченĕсем йĕрке хуралĕнче тăрăшакансене 3:1 шутпа парăнтарнă.
Мини-футболла вылякансем хĕрÿ кĕрешеççĕ. Иртнĕ шăмат кун «Спартак-2» команда (тренерĕ В.Герасимов) «Спартак» (тренерĕ М.Антонов) футболисчĕсене 2:1 шутпа çĕнтернĕ. Хыççăнах «Динамо» (шалти ĕçсен пайĕ) «Стрела» («Нива» ЯХПК) ушкăна 12:3 шутпа парăнтарнă.
Çав кунах Элĕк районĕнчи шахматистсем пирĕн патра хăнара пулнă. Хĕрлĕчутайсем элĕксене выляса янă.
Футболла выляссипе Етĕрнепе Хĕрлĕ Чутай районĕсен чемпионачĕ пырать. Хальлĕхе хĕрлĕчутайсен команди вăйăсенче çĕнтерсе пырать. Юлашки тĕл пулу «Заря» (Пĕрçырлан) спортсменĕсемпе пулнă, тупăшу 2:2 шутпа вĕçленнĕ.
Источник: "Пирěн пурнăç"