01 ноября 2008 г.
Ял хуçалăхĕнче ĕçлекенсен уявĕнче В.А.Никитин хресчен-фермер хуçалăхĕн зоотехникне С.Кириллована выльăх-чĕрлĕх продукцине туса илессине ÿстернĕшĕн «Районти чи лайăх зоотехник» ят панă, район пуçлăхĕн Хисеп грамотипе наградăланă. Коллектив тунă çитĕнÿре Светлана Валерьевна хăйĕн тÿпи кăна пысăк тесе шутламасть. Ушкăн вăйĕ çеç ÿсĕм çулĕ çине тухма пулăшнипе палăртать.
Кăçалхи тăхăр уйăхра кивирчемессем кашни ĕнерен 3570 килограмм сĕт сунă. Ку вăл, иртнĕ çулхи çак тапхăртипе танлаштарсан, 132 килограмм нумайрах. Çавăн пекех хуçалăх ял çыннисенчен сĕт пухассине йĕркеленĕ. Январь-сентябрь уйăхĕсенче пурĕ 11, 5 тонна продукци пуçтарнă. Самăртма хупнă вăкăрсем куллен вăтамран 451-шер грамм ÿт хушса пынă. Ку вăл пĕлтĕрхинчен 17 грамм лайăхрах.
Хуçалăх обществăлла выльăх-чĕрлĕх валли апат çителĕклĕ хывса хăварнă
Источник: "Пирěн пурнăç"