21 мая 2021 г.
Пикшиксем ял пухăвĕнче ирхине хуçалăхран кăларнă выльăха кĕтÿ кайиччен тытмалли вырăн тума йышăнчĕç.
Çак ĕçе субботник йĕркелесе пурнăçларĕç. Халăхран укçа пухса хăма туянчĕç. Ял тăрăхĕн пуçлăхĕ Валерий Фомин карта юписемпе тивĕçтерчĕ. Субботнике ял-йыш хастар хутшăнчĕ. Ĕçсене Александр Петров педагогпа Всеволод Спиридонов пенсионер йĕркелесе пычĕç.
Халĕ ял халăхĕ выльăха ирхине кĕтÿç уя тухиччен çак картана хупса хăварать.
Лев СОЛОВЬЕВ.
Источник: "Ял пурнăçĕ" (Красноармейская районная газета)