17 февраля 2010 г.
Çеçмер ялĕнче ĕçкĕ-çикĕпе иртĕхекен çамрăксем çукпа пĕрех. 3-4 çамрăк çемье çĕнĕ çурта кĕме хатĕрленет. Кунтан шкула çÿрекенсем те йышлăн. Ял тăрăхĕн пуçлăхĕ А.Н.Данилов ку ялтан пулнăран-ши, спорт енĕпе пурнăç вересе çеç тăрать кунта. Хĕл ларнăранпах юр çинче футбола выляса тупашаççĕ çеçмерсем. Кÿршĕри Ыхракасси, Ямайкасси, Уйрисюрт çамракĕсене те йыхравлаççĕ. Пикшик ял тарăхĕн Пухăвĕн депутачĕ И.М.Ильин, ял старости А.М.Матвеев, 76 çулхи спорт ветеранĕ П.А. Шумилов, ыттисем вĕсене хавхалантарса пыраççĕ. Ялпа ял, урампа урам 2 плошадкăра тĕл пулса юр çинче футболла вылянине курсан, чун хĕпĕртет мар-и?
Источник: "Ял пурнăçĕ" (Красноармейская районная газета)