16 августа 2019 г.
Куславкка хулин кунне паллă тунă май, анлă Атăл хĕрринче халăх пултарулăхĕн “Хут купăс, выля, такмак, янăра!” фестиваль-конкурс пулса иртнĕ. Ăна хăй тĕллĕн аталаннă таланта Петр Шоркин купăсçăна асăнса йĕркеленĕ. Фестивале 17 уйрăм юрăçпа 7 творчество коллективĕ хутшăннă. “Солисты-частушечники” номинацире Шывпуç ялĕнче çуралса ỹснĕ Фаина Анисимова çĕнтернĕ. Фаина Тимофеевна Çĕнĕ Шупашкарта пурăнать пулин те, ентешсен ĕçĕ-хĕлĕпе тăтăшах интересленет, вырăнти “Кăйкăр” ушкăнта юрлать. Асăннă фестивальте те сцена çине Ф. Анисимова “Кăйкăр” ушкăн ячĕпе тухнă.
Источник: "Ял пурнăçĕ" (Красноармейская районная газета)