26 сентября 2014 г.
Иртнĕ кунсенче Чăваш Республикин “Урожай” физкультурăпа спорт обществин чемпионачĕ — бокс енĕпе Çĕрпỹ районĕн уçă чемпионачĕ иртрĕ. Унта 1997—1998, 1999—2000, 2001—2002, 2003—2004 çулсенче çуралнă яшсемпе каччăсем хутшăнчĕç. Асăннă тупăшăва районти ачасемпе çамрăксен спорт шкулĕн вĕренекенĕсем те хастар хутшăнчĕç. Чемпионатра Трак енри 18 каччăпа хĕр вăй виçрĕ. Хĕрỹ тупăшура 2003—2004 çулсенче çуралнă каччăсенчен А. Иванов (Трак шкулĕ, 28 кг), Д. Посадский (Именкасси, 36 кг) 2-мĕш, 2001—2002 çулсенче çуралнă Н. Орудин (Трак, 32), В. Петров (Алманч,48) — 1-мĕш, Р. Иванов (Именкасси, 32) — 2-мĕш, 1999—2000 çулсенчи Д. Павлов (Еншик Чуллă, 52), О. Васильев (Алманч,57), В. Мефодьев (Алманч, 66 кг) — 2-мĕш, хĕрсенчен К. Петрова (Красноармейски, 48 кг) 3-мĕш вырăн йышăнчĕç. Эпир виçĕ кун хушши Çĕрпỹ хулине Шупашкар-Шывпуç маршрутлă автобуспа кайса килме пулăшу кỹнĕшĕн Н. И. Степанов уйрăм предпринимателе тав сăмахĕ калатпăр. П. Яковлев
Источник: "Ял пурнăçĕ" (Красноармейская районная газета)