19 марта 2012 г.
“Çамрăксем сывă пурнăç йĕркишĕн” акци пынă май, Пикшик шкулĕн 9-мĕш класĕнче класс ертÿçи Р. Петрова йĕркелесе пынипе наркотиксене хирĕçле “Суйламалли яланах пур” информаци сехечĕ иртнĕ.
- Кĕçĕн Шетмĕ ял тăрăхĕнче волейбол енĕпе иртнĕ турнирта “Пшонги” команда пĕрремĕш вырăна тивĕçнĕ.
- Карайра “Айтăр-ха, хĕрарăмсем!” ятпа пулнă конкурсра “Озорные бабки” тата “Уйкас хĕрĕсем” командăсем тупăшнă.
- Алманчри О. Долгова, Н. Краснова, Т. Сергеева, О. Никитина, А. Долгова волейболисткăсем вылянă команда районти ăмăртура 2-мĕш вырăн çĕнсе илнĕ.
- Кĕçĕн Шетмĕри “Ах, какая женщина!” конкурса Н. Александрова, Н. Федорова, С. Ришко, О. Владимирова, А. Христофорова тата А. Иванова хутшăннă, тĕрлĕ номинацисенче çĕнтерÿçĕсем пулса тăнă.
- Алманчри культурăна аталантаракан центр культорганизаторĕ Р. Игнатьева пуçарăвĕпе иртнĕ “Хаваслă стартсем” вăййа Игнатьевсемпе Ильинсен çемйисем хутшăннă, тĕрлĕ енсенче вăй виçнĕ.
- Шывпуçĕнчи кану çуртĕнче йĕркеленĕ “Айтăр-ха, хĕрсем!” конкурсра Наталья Порфирьева, Мария Егорова, Ирина Васильева, Оксана Николаева тата Роза Андреева хăйсен пултарулăхне кăтартса панă. Çак евĕр конкурс Алманчра та пулнă.
- Етĕрне хулинче ирĕклĕ майпа кĕрешсе арçынсем хушшинче мала тухассишĕн иртнĕ республика чемпионатĕнче Красноармейскинчи ДЮСШ тренерĕ, спорт мастерĕн кандидачĕ Д. Максимов 60 килограмчченхи виçере чемпион пулса тăнă.
- Атăл çи федераллă округ чемпионатĕнче вара ирĕклĕ майпа кĕрешсе 59 килограмчченхи виçере Красноармейскинчи спорт мастерĕн кандидачĕ Галина Дуйсембаева пăхăр медале тивĕçнĕ.
- Пикшик ял вулавăшĕнче “Мастерица” тата “Тимлĕх” клубсене çÿрекенсем валли уяв йĕркелесе ирттернĕ.
Источник: "Ял пурнăçĕ" (Красноармейская районная газета)