Публикации » ПУЛĂШĂВĔ СИСĔМЛĔ

20 февраля 2008 г.

Шкултан вĕренсе тухнисем хăйсене пĕлỹ панă кĕтесе манмаççĕ. Акă, нумаях пулмасть Хирти Явăш вăтам шкулне "Стройинвест-лад" строительство организацийĕн генеральнăй директорĕ В.Н.Гордеев килсе кайрĕ. Пушă алăпа çитмен вăл. 7 мăшăр йĕлтĕр комплекчĕ - 51 пин тенкĕлĕх парнелерĕ. Унпа пĕрлех чăвашсен паллă артисчĕ В.Адюков та килнĕ. Вăл хăйĕн репертуарĕнчи юрăсене шăрантарчĕ, дисксем парнелерĕ. Шупашкарта иртекен концертне пырса курма билетсем уйăрчĕ. Кĕнекесем парса хăварчĕ. "Дружба" ЯХПК председателĕ Р.Мансуров та шкулпа тачă çыхăну тытать. Вăл 5 мăшăр йĕлтĕр комплекчĕ парнелерĕ. Вĕсен пулăшăвĕ шкулшăн сисĕмлĕ.

Источник: "Каçал Ен"