31 октября 2007 г.
Район администрацийĕн вĕрентỹ пайĕ "Çамрăксем - сывă пурнăç йĕркишĕн" акцине ăнăçлă йĕркелесе пырать. Тăтăшах шкулсене тухса мероприятисем йĕркелет. Çак кунсенче вĕрентỹ пайĕн диагностика центрĕн директорĕ В.И.Кириллов, педагог-психолог Т.Р.Каримуллина, район администрацийĕн çамрăксен енĕпе ĕçлекен пайĕн специалисчĕ Э.Д.Зинатуллина Хирти Явăш вăтам шкулĕнче пулса унти вĕренекенсемпе калаçу ирттерчĕç. Тĕп ыйту наркомание, алкоголизма, табак туртассине хирĕç тăрасси. Çамрăксен шухăш-кăмăлĕ тĕрлĕрен. Ытларахăшĕ сывă пурнăç йĕркишĕн. Наркотиксене сивлеççĕ, эрех-сăрапа туслă мар, пирус туртмаççĕ. Кун пек калаçусем малашне те иртĕç, шкул ачисене унта явăçтарĕç.
Источник: "Каçал Ен"