06 июня 2007 г.
Çурхи ĕçсене вĕçленĕ май, июнĕн 3-мĕшĕнче "Дружба" ял хуçалăх кооперативĕнче "Акатуй-Сабантуй" ирттернĕ. Ял хуçалăх ĕçченĕсене район пуçлăхĕ Г.Волков, "Дружба" ЯХПК председателĕ Р.Мансуров, районти депутатсен Пухăвĕн депутачĕ В.Гордеев, Эльпуç ял поселенийĕн пуçлăхĕ Н.Носов, "Труд" ЯХПК председателĕ В.Николаев уяв ячĕпе саламланă. Вырăнти художество пултарулăх коллективĕсемпе юрăçсем концертпа савăнтарнă. Уяври халăх вĕрен туртса, михĕпе çапăçса, алă вăйне виçсе, волейбол выляса, чупса, кире пуканĕ йăтса вăй виçнĕ. Вĕрен туртас енĕпе чи маттуррисем Тутар Эльпуç ял çыннисем пулнă. Хирти Явăш ялĕн çамрăкĕсем волейболла ăста выляса палăрнă.
Источник: "Каçал Ен"