21 марта 2007 г.
Эльпуç ял поселенийĕнче пурăнакансем ĕçлеме те, хаваслă канма та пĕлеççĕ, спорт ăмăртăвĕсенчен те айккинче юлмаççĕ. Хальхинче те çапла пулчĕ. Эстафетăра ăмăртрĕç, кайран юрларĕç-ташларĕç. Ара, Хирти Явăш вăтам шкулĕн актовăй залĕнче "Янра, хуткупăс" конкурс иртрĕ те, кам чăтса тăтăр? Валентинăпа Владимир Гордеевсем, Рустемпа Расых Фаряховсем, Наташăпа Владимир Павловсем, Настьăпа амăшĕ Юля Аполоновăсем сцена çине тухрĕç. Юрă хыççăн юрă шăранчĕ çав кун. Н.Носова, В.Гордеев, Р.Фаряхов, В.Носов, З.Носова, Н.Аполонова, В.Павлов, М.Гаврилова хуткупăсçăсем тем тĕрлĕ юрă кĕвви те шăрантарчĕç. Ф.Ялакова, Н.Павлова, И.Орлова, М.Ильязова, А.Семенова, Т.Васильева, Л.Гордеева юрланине куракансем алă çупса йышăнчĕç.
Источник: "Каçал Ен"