13 октября 2017 г.
Çак кунсенче район администрацийĕн пуçлăхĕ Александр Осипов Элпуç ял тăрăхĕнче пулнă, унти ĕç-хĕлпе паллашнă.
Чи малтанах вăл Хирти Явăш тĕп шкулне çитнĕ, педагогсемпе тĕл пулнă. 165 ача вĕренмелли шкул пĕлтĕр хута кайнă. Ăна хăпартса лартма тата хăтлăлатма 159 миллион тенкĕ тăкакланă.
Александр Николаевич ял тăрăхĕнчи медицина, культура ĕçченĕсемпе тĕл пулнă, хумхантаракан ыйтусене сỹтсе явнă. "Дружба" ял хуçалăх кооперативĕнче пулнă май кĕрхи çĕр ĕçĕсем епле пурнăçланнипе кăсăкланнă. Александр Осипов çынсене канăçсăрлантаракан ыйтусене шута илнĕ, вĕсене уçăмлатма шантарнă.
Источник: "Каçал Ен"