05 августа 2016 г.
Сентябрĕн 18-мĕшĕнче, Пĕрлехи суйлав кунĕнче, хăй пурăнакан вырăнти суйлав участокне пурин те çитме май пулаймасть. Хăшĕ-пĕри ĕçлеме инçете тухса каять, теприсен татах мĕнле те пулсан сăлтав тупăнать. Раççей Федерацийĕн Патшалăх Думин тата Чăваш Республикин Патшалăх Канашĕн депутачĕсен суйлавĕн графикĕпе килĕшỹллĕн, Комсомольски территориллĕ суйлав комиссийĕнче августăн 3-мĕшĕнчен пуçласа сентябрĕн 6-мĕшĕччен ирĕклĕ сасăлав удостоверенийĕ (открепительное) илме май пур. Сентябрĕн 7-17-мĕшĕсенче вара участоксенчи суйлав комиссийĕсенче те асăннă удостоверенисене параççĕ. Вĕсемпе сире кирек хăш суйлав участокĕнче те сасăлама ирĕк парĕç.
Комсомольски территориллĕ суйлав комиссийĕ çак графикпа ĕçлет:
- ĕç кунĕсенче - 9 сехетрен 17 сехетчен;
- шăматкунсенче - 9 сехетрен 15 сехетчен.
Л.ЧИТНАЕВА
Источник: "Каçал Ен"