15 апреля 2015 г.
Районти пур ял поселенийĕнче те граждансен пухăвĕсем иртрĕç. Унта пĕлтĕр пурнăçланă тата çитес вăхăтра тума палăртнă ĕçсемпе паллаштарнă, ял çыннисене хумхантаракан ыйтусене сỹтсе явнă. Иртнĕ кунсенче район администрацийĕн ларусен залĕнче ял тăрăхĕсенче ирттернĕ пухусене пĕтĕмлетнĕ, çивĕч ыйтусене хускатнă. Шăпах пухусем пынă вăхăтра ялта пурăнакан ĕçпе вăрçă ветеранĕсене, тыл ĕçченĕсене "1941-1945 çулсенчи Тăван çĕршывăн Аслă вăрçинче çĕнтернĕренпе 70 çул" юбилей медалĕпе савăнăçлă лару-тăрура чысланă.
Район администрацийĕн пуçлăхĕ Михаил Афанасьев ял тăрăхĕсен пуçлăхĕсене медицина пулăшăвĕ парасси, çул-йĕре юсасси, тавралăха тирпей-илем кĕртесси çине уйрăмах пысăк тимлĕх уйăрма ыйтнă. Ял çыннисен ыйтăвĕсене татса парас енĕпе çине тăрсах ĕçлеме сĕннĕ.
Источник: "Каçал Ен"