29 мая 2013 г.
Майăн 26-мĕшĕнче Элпуç ял тăрăхĕн территорийĕнче Ака туй-Сабантуй иртнĕ. Уява ЧР Патшалăх Канашĕн социаллă политика тата наци ыйтăвĕсен комитечĕн председателĕ Петр Краснов, район администрацийĕн пуçлăхĕ Михаил Афанасьев, РОСТСЕЛЬМАШăн Чăваш Енри официаллă дилерĕ Валерий Гаврилов тата ытти хаклă хăнасем те хутшăннă.
Мероприятие «Дружба» ЯХПК ертÿçи Ремис Мансуров уçнă. Вăл Ака туй ял тăрăхĕн территорийĕнче пурăнакан тĕрлĕ наци çыннисене пĕрлештерсе тăракан уяв пулса тăнине палăртнă, халăх йăли-йĕркисене упраса пыма тăрăшакансене тав тунă. «Дружба» ЯХПКн чи тăрăшуллă ĕçченĕсем парнесене тивĕçнĕ.
Ал ĕç ăстисен куравĕсем, пултарулăх коллективĕсен тата уйрăм артистсен юрри-ташшисем, вăйă аттракционĕсем, спорт ăмăртăвĕсем уява илем кÿнĕ.