01 ноября 2014 г.
Çĕнĕ Ахпỹртри пĕтĕ-мĕшле пĕлỹ паракан тĕп шкулта вĕренекенсем "Çамрăксем _ сывă пурнăç йĕркишĕн" уйăхлăха хутшăнса "Хăвна хăвăнтан сыхла!" чĕнỹпе "Наркотика хирĕçлетпĕр" темăпа класс сехечĕ ирттерчĕç. Унта саккăрмĕшсемпе тăххăрмĕшсем хутшăнчĕç. Ачасем сиенлĕ йăласене уççăнах сивлемеллине палăртрĕç.
Класс ертỹçи Т. Чумерина "Мĕн вăл спайс?" темăпа анкета ыйтăвĕсем çине хуравлаттарчĕ. Хăш-пĕриншĕн пĕлмен япала иккен вăл. Унăн пĕлтерĕшне ăнлантарнă май Татьяна Владимировна сывлăх пуриншĕн те хаклă пулни çинче тепĕр хут чарăнса тăчĕ.
Н. ХУРАМАЕВ
Источник: "Авангард" (газета Батыревского района)