Публикации » Вĕрентекенсене те "Хĕл мучи" парне салатнă

11 января 2014 г.

РАЙОНТА вĕренỹ учрежденийĕсем сахал мар: ясли садсем те, шкулсем те. Анчах вĕсенче пĕринче те çитĕнекен ăрушăн ырми-канми тăрăшакан воспитательсемпе учительсене Çĕнĕ çул тата Раштав уявĕсем ячĕпе саламласа парне тăвакан Хĕл мучи тупăнман. Ку тĕлĕшпе Çĕнĕ Ахпỹртри вăтам шкулти педагогсем чи телейлисем тесен те йăнăш пулмĕ. Шкул канашĕн председателĕ, "Единая Россия" партин пуçламăш уйрăмĕн ертỹçи, ялти фермер Е. Мартышкин вĕсене кашнинех пĕрер центнер тырă валеçнĕ. Евгений Михайлович çак ырă пуçарăва йĕркене те кĕртсе пырать темелле. Иртнĕ çул та хисеплĕ çĕр ĕçченĕ коллектива савăнтарнăччĕ. Çакнашкал çынна епле тав туса пуç таймăн?

Источник: "Авангард" (газета Батыревского района)