15:09 07 декабря 2020 г.
Соловьева Лариса Николаевна Тăрмăш ялӗнче 1974-мӗш çулти нарăс уйăхӗн 6-мӗш числинче çуралнă, ачаранпах инвалид пулсан та пурнăçа юратса пурăнать. Юрра-ташша ăстаскер, культура çуртчӗ çумӗнчи кружоксене кăмăлласах çӳрет. Лариса лайăх саслă, юрăсене тӗрӗс юрлать, çавăнпах пулӗ фольклор, юрă, ташă кружокӗсене кăмăллать. Ачасене юратать, кӳршӗри миçе ачана ӳстерме пăхса пулăшмарӗ-ши вăл? Ачасем те ăна юратаççӗ, ун патне туртăнаççӗ. Килте Коля тата Костя шăллӗсемпеле пурăнать, йывăр самантсенче вӗсене те пулăшать. Кӳршӗсемпе те тату пурăнать ырă кăмăллăскер, яланах пурне те пулăшма хатӗр. Лариса Николаевнăна уяв ячӗпе саламласа çапла калатпăр:
Телей çӳпçи нихçан ан чактăр.
Ан сӳнтӗр иксӗлми хастарлăх,
Ялан пултăр сан тăванăм
Турă панă сывлăхӗ.
Турмышский территориальный отдел