08:46 28 августа 2018 г.
Иртнĕ шăматкун Хуракасси ялĕнче Регионсем хушшинчи халăх юррисем юрлакансен VII- мĕш «Ай, юрлар-и !» Ираида Вдовинăна халалланă конкурс иртрĕ.
Конкурс чăваш халăх юррине малалла аталантарасси, чăваш халăх юррин культурине çирĕплетесси, çамрăк юрăçсене аталанма пулăшасси, вырăнти халăх юрă культури çеç мар, унăн ытти регионĕсен халăх юррин культурине упраса малалла аталантарасси, Ираида Вдовина пултаруллăхĕпе çыхăннă, вырăнти чăваш халăх юрă йăла-йĕркине аталантарасси – конкурсăн тĕп тĕллевĕ.
Кăçалхи районти конкурсра художество пултаруллăх коллективĕсенчи чи пултаруллă солистсем хутшăнчĕç. Юрăçсем малтанах Ираида Вдовинăн репертуарĕнчи юрăсене юрларĕç (аккомпанементсăр). Конкурсăн иккĕмĕш юрри - хальхи вăхăтри юрă, е вырăнти чăваш халăх йĕркипе кĕвĕленĕ юрă.
Шĕнерпуç культура çумĕнчи «Шинер» юрă ансамблĕн солистчĕ Александр Николаев çак конкурсра хутшăнма пĕрремĕш кăмăл турĕ. Вăл Хусанти патшалăх искусствăпа культура институтне вĕренсе пĕтернĕскер «Музыкăна ала илнисем» номинацинче хутшăнчĕ.
«Кашлать сĕм вăрман» (чăваш халăх юрри, И.Вдовина репертуарĕнчен)-пĕрремĕш юрăна тата «Перрехинче çурхи лăпкă каç» (В.Адюковăн репертуарĕнчен) - иккĕмĕш юрăна Александр тăрăшсах юрласа « Конкурсра хутшăннишĕн» диплома тивĕçрĕ.
Шĕнерпуç культура çурчĕн йĕртÿçи Николаева Л.В.
Бичуринский территориальный отдел Мариинско-Посадского муниципального округа