20 января 2010 г.
2010 çул – районта Тирпей – илем кĕртмелли çулталăк.
Декабрĕн 30 – мĕшĕнче Чăваш Ен Президенчĕ Николай Федоров «Чăваш Республикинче экологи хăрушсăрлăхĕ туса хумалли хушма мерăсем çинчен» тата « Чăваш Республикинче çĕнĕ урамсене (ял – хулана) васкавлă электрификацилесси çинчен» Указсем çине алă пуснă.
Республикăра социаллă культура сферине тата обществăлла инфраструктурăна аталантарма меллĕ условисем туса парас тĕллевпе кăларнă Указсене пурнăçлама район администраций Ĕн пуçлăхĕ Юрий Николаев 2010 çулта ирттернĕ пĕрремĕш канашлура кашни уйрăмра программа хатĕрлеме задача лартнă тата 2010 çул районта тирпей – илем кĕртмелли çулталăк пулни çинчен пĕлтернĕ. Кăçалхи çул – Учитель çулталăкĕ, Аслă Отечественнăй вăрçăра Çĕнтерÿ тунăранпа 65 çул çитнĕ çулталăк. Район администрацийĕн пуçлăхĕ çак ĕç – хĕлсем 2010 çулта ĕçлемелли малашлăх планĕсенче тивĕçлĕ вырăн йышăнмаллине палăртнă.
Канашлура район республика конкурсĕсене, «Ачалăхшăн. Ачалăх ячĕпе» ырă кăмăл марафонне хутшăнас, халăха ĕçпе тивĕçтерес тĕлĕшпе мĕнле ĕçлени çинчен ыйтусене сÿтсе явнă. Çавăн пекех пурăнмалли çурт – йĕрпе коммуналлă хуçалăх, ял хуçалăх çĕрĕсемпе усă курас, хаçат – журнал çырăнтарасси çинчен ыйтусем тĕп вырăнта пулнă,çĕнĕ çулăн пĕрремĕш ĕç эрнинчи тĕп ĕç – хĕлсене палăртнă.