07 июля 2016 г.
Пенси фончĕ ача амăшĕн капиталĕ шучĕпе пĕр хут паракан 25 пин тенкĕне илме заявленисем йышăнма тытăннă. Ку суммăна илме ача миçе çула çитни кирлĕ мар, ăна кулленхи ыйтусене татса пама уйăрса параççĕ. Укçана çемьере иккĕмĕш е хыççăнхи ача 2007 çулхи январĕн 1-мĕшĕнчен тытăнса 2016 çулхи сентябрĕн 30-мĕшĕчченхи тапхăрта çуралнисем пурте илме пултараççĕ.
Заявленисене Пенси фондĕнче тата нумай функциллĕ центрта 2016 çулхи ноябрĕн 30-мĕшĕччен йышăнаççĕ. Документсенчен паспорт тата укçа-тенкĕне куçарса пама банк счечĕн реквизичĕсем кăна кирлĕ.
Çавăн пекех заявление килтен тухмасăрах Раççей Пенси фончĕн сайтĕнче гражданинăн харпăр хăй кабинетĕнче те пама пулать (wwwĕpfrfĕru). Çавна валли маларах патшалăх услугисен пĕрлехи порталĕнче регистрациленмелле.
Укçа-тенкĕне заявлени панăранпа икĕ уйăх хушшинче куçарса параççĕ.
Паянхи куна илес пулсан, Чăваш Республикинче 37 пин ытла çемьен пĕр хут паракан 25 пин тенкĕ укçана илме право пур .
Раиса АНДРЕЕВА.
АУ «Редакция Моргаушской районной газеты «Знамя победы» Мининформполитики Чувашии
Моргаушский район Чувашской Республики