11:09 01 января 2017 г.
2017 ҫул – автан ҫулне кĕтсе илни Упамса ялĕнче пурăнакансемшĕн ҫав тери пĕлтерешлĕ пулчĕ. Патăрьел районĕн депутачĕ Сергей Манзуркин тăрăшнипе Упамса ялĕн культура ҫуртне капăрлатса лартрĕҫ. Çĕнĕлетсе янă культура ҫуртĕнче халах йышлăн пухăнчĕ. Уяв каҫне Турхан тăрăхĕн пуҫлăхĕ Александр Еремеев, Патăрьел районĕн депутачĕ Сергей Манзуркин уҫрĕҫ, ҫĕнĕ ҫул ячĕпе саламларĕҫ, культура ҫуртне хăтлă та илем кӳрес ĕҫре вăй хунисене асăнса хăварчĕҫ. Чи путтаруллисене хисеп грамотипе чысларĕҫ. Хисеп хутне илме Лисов Валерий, Сымов Иван, Вавилов Валерий, Сымова Алевтина тивеҫлĕ пулчĕҫ. Упамса ялĕн старости Вавилов Игорь те ентешсене уяв ячĕпе саламларĕ, тав сăмахĕ каласа хăварчĕ.
Упамсасем ҫулсерен ҫĕнĕ ҫул каҫне маскăсем тăхăнса илем куреҫҫĕ, халăха савăнтараҫҫĕ. Автан ҫулне кĕтсе илме Ашапатман карчăксем йышлăн пуханнă (Марышкина Елена, Чемерова Людмила, Сымова Екатерина, Белков Леонид, Филиппова Валерия, Стефейкина Ванесса). Хĕл Мучипе (Савельев Петр) Юрпике (Сымова Анна) те ҫав тери маттур пулчĕҫ, ташлаттарса, юрлаттарса халăха савăнтарчĕҫ.
Лотерея вылявĕ те пулса иртрĕ. Аукцион та туса ирттерчĕҫ упамсасем, кролик выляттарчĕҫ. Унсăр пуçне вăйăсем те иртрĕҫ. Çĕнтерӳҫĕсене парнесем парса чысларĕҫ.
Уява ирттерме пулăшнă спонсорсене те асăнса хăвармалла: «Стройхозтовары», «Рябинушка», «Елена» магазинсем тата Упамса ялĕнче пурăнакансем: Валерий, Игорь, Леонид Вавиловсем.
Çĕнĕ ҫул каҫĕ кашнин чĕринче асăнмаллăх юлĕ.
Тарханское сельское поселение Батыревского района