17:20 25 апреля 2014 г.
Апрелĕн 23–мĕшĕнче Нăрваш Шăхаль вăтам шкулĕнче Патăрьел районĕн администрацийĕн вĕрентÿ, социаллă аталану, хыпарлавпа тивĕçтерÿ тата архив ĕçĕн пайĕн хушăвĕпе килĕшÿллĕн чăваш чĕлхи эрнине халалласа 3-11 классем хушшинче «Сарпи вулавĕсем» пултарулăх кунĕ иртрĕ.
Уявра чăваш сăвăçи, пирĕн ентеш Раиса Васильевна Сарпи, хутшăнни конкурса хутшăнакансене хавхалантарчĕ, савăнтарчĕ. Районти вун сакăр шкултан 100 яхăн вĕренекен хутшăнчĕ конкурса.
Çак конкурсран Турхан шкулĕнче вĕренекенсем те çитĕнусемпе таврăнчĕç.
Пĕрремĕш номинацире шкул ачисем Раиса Сарпи поэтесса сăввисене чăвашла тата вырăсла вуласа тупăшрĕç.
2-4 классем хушшинче 2-мĕш класра вĕренекен Стефейкина Ванесса (вĕрентекенĕ – Раевская Татьяна Петровна) 3-мĕш вырăна тухрĕ.
5-6 классем хушшинче 6 –мĕш класра вĕренекен Сымова Юлия (вĕрентекенĕ – Самарина Валентина Анатольевна) 3-мĕш вырăнлă пулчĕ.
«Раиса Сарпи сăввисем тăрăх кĕвĕленĕ юрăсем» номинацире 3-мĕш вырăна 2–мĕш класра вĕренекен Осипова Ксюшăпа Маштакова Екатерина йышăнчĕç.(вĕрентекенĕ –Раевская Татьяна Петровна).
«Раиса Сарпи хайлавĕсене инсценировкăласа кăтартасси» номинацире 5–мĕш класра вĕренекен Лябукова Валентинăпа Гудимова Ксюша 3-мĕш вырăна тухрĕç. (пултарулăх ертÿçи – Осипова Лариса Васильевна).
Кириллова Ленăпа (4 класс) Прокопьева Полина та (3 класс) хăйсен сăввисемпе итлекенсене тыткăнларĕç.(вĕрентекенĕсем Косойкина Надежда Васильевна, Антонова Нина Пантелеймоновна)
Çĕнтерÿçĕсем пурте Патăрьел районĕн администрацийĕн вĕрентÿ, социаллă аталану, хыпарлавпа тивĕçтерÿ тата архив ĕçĕн пайĕн хисеп хучĕсене тивĕçрĕç. Раиса Васильевна конкурса хутшăнакансене пурне те саламласа асăнмалăх парнесемпе хавхалантарчĕ.
Тарханское сельское поселение Батыревского района