23 сентября 2022 г.
Юхмапа Пăла тăрăхĕнче ĕçлĕ çул çỹревпе ЧР çул-йĕр тата транспорт министрĕ Владимир Осипов пулнă. Вăл район администрацийĕн пуçлăхĕпе Рудольф Селивановпа "Пахалăхлă хăрушлăхсăр çулсем" наци проекчĕпе, федераци тата республика программисемпе çул-йĕр тăвасси тата юсасси пирки калаçнă. Ун хыççăн Шăнкăртамри Ленин урамĕнче тăвакан объекта подряд организацийĕн, "ДорСтар" пĕрлешĕвĕн ертỹçипе Вячеслав Козловпа пĕрле çитсе курнă. 2,5 çухрăм çула республикăн адреслă инвестиции программипе килĕшỹллĕн юсамалла, унăн сметин хакĕ - 137 млн тенкĕ. Ĕçе çитес çул çеç вĕçлемелле, анчах ăна кăçалах хута яма тĕлле влартнă.
- Ку çул пахалăхĕ çак урамра пурăнакансене чылай вăхăт пăшăрхантарчĕ. Регион ертỹçисем пулăшнипе ыйтăва татма май пулчĕ... - тенĕ Рудольф Васильевич çулăн пĕлтерĕшĕ пысăккине палăртнă май.
(Хамăр корр.)
Источник: "Авангард" (газета Батыревского района)