26 января 2018 г.
Хальхи вăхăтра ял тăрăхĕсенче йĕркелесе пыракан официаллă сайт вулакансемшĕн хăйне евĕр хыпарлав, информаци пухмачĕ шутланать. Çавăнпа та вăл тулли те пахалăхлă содержаниллĕ, пуян информациллĕ пулни пысăк пĕлтершĕлĕ. Çак кунсенче районти ял тăрăхĕсен сайчĕн рейтингне хакланă чухне шăпах çак енсене тĕпе хунă та. Кунта вара Туçасене çитекенни пулман. Сăмах май каласан, вĕсем иккĕмĕш çул ĕнтĕ ытти ялсемшĕн ырă тĕслĕх. Иккĕмĕш вырăнта Патăрьел, виççĕмĕшĕнче Алманчă ял тăрăхĕсем. Компьютер ĕмĕрĕнче хыпар-хăнар тетелĕ питĕ анлă. Пирĕн информацие çĕршывăн кирек хăш кĕтесĕнче те вуласа пĕлме пултараççĕ. Çавăнпа та ял пурнăçĕ, инфрастуктура аталанăвĕ, уйрăм çынсен пултарулăхĕ, ĕç ветеранĕсем, уйрăм хастарсем пирки çырнă хыпарсем пуриншĕн те кăсăклă пулĕç.
Источник: "Авангард" (газета Батыревского района)