20 января 2016 г.
Çак кунсенче çăмăл атлетикăна юратакансем Çĕнĕ Шупашкарти Олимп резервĕсен спорт шкулĕн керменне пухăннă. Унта Чăваш Ен Пуçлăхĕн кубокне çĕнсе илессишĕн Пĕтĕм Раççейри ăмăрту тата Атăлçи округĕн чемпионачĕ иртнĕ.
Пысăк пĕлтерĕшлĕ ăмăрту Патăрьелсемшĕн те йĕрсĕр юлман. Ишлĕри вăтам шкулта вĕреннĕ, хальхи вăхăтра Олимп резервĕсен шкулĕнче пĕлĕвне малалла тăсакан Константин Карзаков виçĕ çухрăма чупса пьедесталăн иккĕмĕш картлашки çине тăма тивĕçнĕ. Пулас олимпиеецăн çитĕнĕвĕ ентешĕсемшĕн те кăмăллă.
Источник: "Авангард" (газета Батыревского района)