Публикации » Кĕçĕннисемшĕн тĕслĕх

Шăнкăртамри Валитовсем виçĕ ача çитĕнтереççĕ. Çитĕнекен ăрăва Миляуша Эмировнапа Ринат Минигалиевич тĕрĕс воспитани пама тăрăшаççĕ. Çакна ачисем çын çине тухса пынипе, ырă тĕслĕхпе те хаклама пулать. Акă, Риназ çар службинче тăрать. Хăйĕн тивĕçне каччă йĕркеллĕ пурнăçлать, ыттисене ырă тĕслĕх кăтартать. Дисциплини çирĕпрен унăн маçтăрлăхĕ те ÿссех пырать-мĕн. Çавна май часть командованийĕ ашшĕпе амăшне ывăлĕн çитĕнĕвĕсемшĕн савăнма сĕнет. Ырă хыпаршăн йăмăкĕсем те хĕпĕртерĕç. Алла аттестат илнĕ Рузиле аслă шкула вĕренме кайма ĕмĕтленет. Минзиля вара ялти шкулăн тăххăрмĕш класне куçнă.