11 июня 2009 г.
Ял çынни, вырăнта ĕçлесе укçа- тенкĕ тупма çуккине кура, харпăр хăй хуçалăхĕнче тĕрлĕ выльăх усраса юрварне сутма тăрăшать.Çу кунĕсенче сĕте яла пырсах пуçтарса каяççĕ-ха.Ирина шофер та, сĕте йышăнаканĕ те –хăйех.Çĕрпÿ районĕнчи Çĕрпÿеле,Вăрманкас Чурачăка, Камайкассине, Красноармейски районĕнчи Санькассине тата ытти яла ирех çитет. Пухнă продукцие унăн Çĕрпÿри, Красноармейски салинчи е Канашри сĕт заводне леçме тивет. Пĕр тĕле пырать: «Савăтсем туллии»,- теççĕ.Тепĕр çĕре çитет- каллех çав юрă.Виççĕмĕшĕнче: «Эсĕ çитнĕ çитнĕ çĕрте сĕт кирлĕ мар пулсан –пире те çавах,-теççĕ.-Литрине 4-5 тенкĕпе парсан, тархасшăн, илсе юлатпăр».Сĕт завочĕсем хăйсем хатĕрленĕ савăтсене тултараççĕ те пĕр литр сĕте 15-20 тенкĕпе сутаççĕ.Ял çыннисенчен кулни маар-и çакă? Юлашки вăхăтра заводсем сĕт сутакан çынсене укçа вырăнне хăйсен таварне- çу, тăпăрчă сĕнеççĕ.Кулни- тăрăхланиех вĕт ку? Ял çынни çупа тăпăрчне хăй те хатĕрлеме пултарать. Ăна килти тăкака саплаштарма укçа китрлĕ.Укçа!
Источник: "Хыпар"