10:38 14 марта 2019 г.
Чӑваш халӑх сӑвӑҫи Валери Туркай тата хамăр ентеш Александр Капитонов Анат Тимĕрчкасси ял библиотекинче хӑнара пулчĕç. Валери Туркай пуçтарӑннӑ ял халӑхне хăйĕн юлашки вӑхӑтра çырнӑ сӑввисемпе паллаштарчĕ, нумайĕшне вуласа пачĕ. Валери Владимирович Анат Тимĕрчкасси ял библиотекине хайĕн çырăвĕсен пуххине парнелерĕ. Ку шутра тин çеç пичетленсе тухнă кĕнеке «Чĕрене юратма чараймастăн» унса пуçне китай, пушкăрт, тутар, удмурт, вырăс поэчĕсен чăвашла куçарнă сăввисем.
Хăйне хисеплекен кирек мĕнле халăх та тăван чĕлхине пысăк пуянлăх вырăнне хурса хаклать. Чăвашлăх туйăмне хисеплеме, наци мăнаçлăхне туйса тăма, чăваш çĕрне тата тăван халăхăмăра юратма чĕнсе каларĕ чăваш халăх поэчĕ Валери Туркай.
Валери Туркая тата Александр Капитонова эпир пирĕн пата килме вăхăт тупнăшăн чун – чĕререн тав тăватпăр, малалла та ĕçре пысак çитĕнÿсем тума сунатпăр.
Муниципальное бюджетное учреждение культуры "Централизованная библиотечная система" Комсомольского района Чувашской Республики