Новости » "Симĕс кĕркунне" акци

15:02 02 сентября 2017 г.

Оригинал

                                                                           Çут- çанталăка юрат, упра тăван çĕре

                                                                   вара сан пурăнма юрать çак çутă тĕнчере.

    Сентябрĕн 2- 30 –мĕшĕсенче «Симĕс кĕркунне» Пĕтĕм Раççейри экологи субботникĕ иртет. Субботнике тавралăха тирпейлес тата йывăç-тĕм лартас тесе йĕркеленĕ.

      Тури Тимĕрчкасси ял халăхĕ те экологи субботникĕнчен айккинче юлмарĕ. Акă, сентябрĕн 2-мĕшĕнче эпир: библиотека, клуб ĕçченĕсем тата ялти хастар ушкăн «Симĕс кĕркунне» акцине хутшăнса тавралăха çÿп-çапран тасатрăмăр. Икĕ кас хушшинчи пĕве умĕнчи çум-курăка, аслă çул айккисене çултăмăр.

    Экологи çулталăкĕнче тăван тавралăх çине тата та пысăкрах тимлĕх уйăрни темрен те паха. Çакăн пек субботниксем пĕрре тирпейленипе çеç ан вĕçленччĕр. Тавралăха илем кĕртме яланах вăхăт тупар, йывăç-тĕм лартма та манар мар.

Муниципальное бюджетное учреждение культуры "Централизованная библиотечная система" Комсомольского района Чувашской Республики