00:00 23 апреля 2012 г.
Первомайски вăтам шкулěн 10-мěш класěнче вěренекенсем хăйсен класс ертÿçипе А.И.Селивановапа пěрле ака уйăхěн 21-мěшěнче Шупашкарта пулчěç.
Чи малтан «Сеспельте» илемлě фильм пăхрěç. Ун хыççăн «Парусра» тутлă апат çирěç. Вара Атăл хěррине çул тытрěç. Çурхи хěвел ăшшипе киленсе уçалса çÿрерěç, асăнмалăх сăн ÿкерчěксем турěç. Каçпа вара К.В.Иванов ячěллě Чăваш патшалăх академи театрěнче «Вăрланă телей» спектакль пăхса киленчěç. Спектакль пурне те килěшнě, ун сюжечě каялла киле таврăнакан ачасене çул тăршшěпех калаçтарнă.
Çакăн пек усăллă çулçÿревсем вěренекенсенче ырă шухăш-туйăмсем вăратаççě, сывлăха та упрама хистеççě.