Ачасемпе ҫамрӑксене патриот воспитанийӗ парас тӗлӗшпе пирӗн республикӑра нумай ӗҫлеҫҫӗ: юлашки вӑхӑтра кӑна тӗрлӗ шайра 500 ытла мероприяти, ҫар темипе конкурссем, пултарулӑх
фестивалӗсем тӑтӑш иртрӗҫ.
Уйрӑмах ҫамрӑк армеецсемпе ҫамрӑк космонавтсен юхӑмӗсем вӑй илчӗҫ. Мӗншӗнни паллӑ: Чӑваш ҫӗрӗ Совет Союзӗпе Раҫҫейӗн вун-вун Паттӑрне ҫуратса ӳстернӗ, виҫӗ космонавта тӗнче уҫлӑхне ӑсатнӑ. «Зарницӑпа» «Орленок» вӑййисене кӑҫал 43-мӗш хут ирттерни те ҫакна ӗненмелле ҫирӗплетет. Ҫитӗнекен ӑру питӗ кӑмӑллакан вӑйӑн финалӗунччен Комсомольски, Ҫӗрпӳ, Шупашкар, Етӗрне, Муркаш тата ытти районпа Ҫӗмӗрле хулинче иртнӗ, кӑҫалхи Канаш районӗнчи А.Г.Николаев космонавт ячӗллӗ лагерь ҫывӑхӗнче, вӑрман ӗшнинче пулчӗ. Унта районсемпе хуласен тапхӑрӗнче ҫӗнтернӗ 74 команда е 1200 арҫын ачапа хӗр ача мала тухассишӗн тупӑшрӗ. Вӗсем - республикӑри шкулсен пӗрлештернӗ коман-дисем, ҫарпа патриот клубӗсем, пуҫламӑш професси пӗлӗвӗ паракан училищӗсем, кадет класӗсем. Ҫар ҫыннин йӗркипе ачасем ултӑ кун пурӑннӑ. Паллах, аслисем асӑрхаса, сӑнаса, пулӑшса тӑнӑ. Кашни кун - тупӑшу, ӑмӑрту, ӑс-хакӑл турнирӗ, чӑтӑмлӑхтӗрӗслевӗ. Кунта стройпа утасси те, алӑ вӗҫҫӗн ҫапӑҫӑвӑн мелӗсене кӑтартасси те, йывӑр лару-тӑруран тухасси те кӗнӗ. Программӑн пысӑк пайне Космонавтика ҫулталӑкне тата 2014 ҫулти хӗллехи Олимп вӑййисене халалланӑ. Кашни финалист кӑҫал уйрӑм экзамен тытнӑ: кӑмӑлтуйӑм ҫирӗплӗхне кӑтартнӑ. Кӗскен каласан - «вутра та ҫунман, шывра та путман». Республикӑри ҫамрӑк армеецсен «Зарницӑпа» «Орленок» вӑййисен 43-мӗш финалне хупма Ҫавал хӗрринчи лапама Чӑваш Республикин Президенчӗ Михаил Игнатьев, вӗренӳпе ҫамрӑксен политикин министрӗ Владимир Иванов, республикӑри ҫар комиссарӗ Александр Мокрушин полковник, Канаш район оуҫлӑхӗ Иван Ивановпа район администрацийӗн пуҫлӑхӗ Владислав Софронов, ытти ява-плӑ ҫынсем ҫитрӗҫ. Плацра - ҫамрӑк армеецсен отделенийӗсем. Пурте - ку е вӑл ҫивӗч тупӑшура тата пӗтӗмӗшле кӑтартусемпе мала тухнисем. Чыслав пуҫланиччен республика ертӳҫи палаткӑсен хулипе, унта 6 кун пурӑннисемпе паллашрӗ, кӑмӑл-туйӑмпа кӑсӑкланчӗ. Палӑртнӑ вӑхӑтра ҫар команди янӑраса кайнӑ хыҫҫӑн шӑпланса тӑнӑ строй умне Михаил Игнатьев Президент тухрӗ: «Эсир паян - пурте ҫӗнтерӳҫӗсем: кашниех хӑйне хӑй ҫӗнтерчӗ. Кам - наянлӑхне, кам - «паян мар тӑк ыран та юрӗ-ха» текен ӑнлава, кам - шиклӗхне. Эсир пурте ҫамрӑк салтак курсне тивӗҫлипе вӗҫлерӗр, юлташлӑх, туслӑх туйӑмне ҫирӗплетрӗр. Ҫакӑнта иртнӗ 6 кун хушшинче эсир ҫирӗпленнӗ, вӑйланнӑ, хастарланнӑ, ҫӗнӗ туйӑмсемпе киле таврӑнатӑр. Вӑл сире малашнехи тӗллевсем патне ҫирӗппӗн утӑмлама хавхалантарӗ. Эпир вара сире татах ӳсме, аталанма мӗн пур май туса парӑпӑр...»
«Зарницӑпа» «Орленок» - патриот воспитанийӗн чӑн-чӑн шкулӗ. Шупашкарта пурӑнакан Владислав Бондаренко та хӑй вӑхӑтӗнче ҫак вӑйӑсене хастар хутшӑннӑ, каярахпа, ҫӗр-шыв умне хӑрушлӑх тухса тӑрсан, Чернобыльти АЭС син-керне сирме хастар хутшӑннӑ. Хӑюлӑхпа хастарлӑхшӑн ӑна Раҫҫей Президенчӗн Указӗпе килӗшӳллӗн «Паттӑрлӑхшӑн» орденпачысланӑ. Михаил Васильевич асӑннӑ наградӑна Владислав Владимировича пачӗ. Кайран финалта мала тухнисене чысларӗҫ. Чӑваш Ен Президенчӗн Кубокне Канаш хулинчи 6-мӗш вӑтам шкулӑн ҫамрӑк армеецсен отделенийӗ теори конкурсӗнче ҫӗнтернӗшӗн тивӗҫрӗ. «Зарница» тата «Орленок» вӑйӑсенче малти виҫӗ вырӑна тухнисене Михаил Игнатьев Президент Кубок, диплом тата медальсем пачӗ. Палӑртма кӑмӑллӑ: «Зарница» ушкӑнра Хӗрлӗ Чутайри вӑтам шкулӑн ҫамрӑк армеецӗсем ҫӗнтерчӗҫ.
Вӗсем Екатеринбургра иртекен спортӑн ҫар тата техника енӗсен тупӑшӑвӗнче тӑван республикӑн чысне хӳтӗлӗҫ. Тата - ҫитес ҫулхи вӗрену ҫулӗнче Пӗтӗм Раҫҫейри ачасен «Орленок» центрӗнче канма путевкӑсемлӗ пулса тӑчӗҫ. Финалта мала тухнисен йышӗнче: «Орленок» ушкӑнра - Канаш хулинчи 6-мӗш вӑтам шкулӑн ҫамрӑк армеецсен отделенийӗ /иккӗмӗш ҫӗнтерӗвӗ/, «Ҫарпа патриот клубӗсенчен» - Шупашкарти «Каскад» ҫарпа патриот пӗрлешӗвӗ, «Кадетсем» ушкӑнра - Канаш районӗнчи Янкӑлчри Раҫҫей Геройӗ Н.Ф.Гаврилов ячӗллӗ вӑтам шкулти «Ҫӗнтерӳ» кадет класӗ, «Професси училищисем» ушкӑнра - Сӗнтӗрвӑрринчи 28-мӗш професси училищин ҫамрӑк армеецӗсем. Вӗсемех «Зарница» тата «Орленок» финал вӑййисене хупрӗҫ.
Юрий Степанов