Аристарх Орлов- Шуçăм ячĕ республика тулашĕнче те паллă. Вăл –чăваш композиторĕ тата дирижер, Чăваш Республикин халăх артисчĕ, ЧР искусствăсен тава тивĕçлĕ деятелĕ, Раççей Федерацийĕн тава тивççлĕ артисчĕ. Çакăн пек чыспа чапа тивĕçнĕ ентешĕмĕр Çĕрпӳ районĕнчи Уйкасра кун çути курнă.
Аристарх Гаврилович хăйĕн пĕчĕк тăван çĕр-шывне нихăçан та асран яман, май килсенех унта çитсе курма тăрăшнă. Кунта вăл хăйне хăтлă туйнă, вăй илнĕ. Йăхташĕсем те пултаруллă композитора хисепленĕ, унпа мухтаннă. Ун сăнарне асра тытас, ятне ĕмĕрлĕхе хăварас тĕллевпе Çĕрпӳсем Орлов- Шуçăм ӳссе çитĕннĕ çурт вырăнĕнче асăну хăми уçас тенĕ. Савăнăçлă саманта Республика кунĕн Çĕрпӳ районĕнче иртекен мероприятийĕсемпе çыхăнтарнă. Асăну хăмине çĕртме уйăхĕн 18-мĕшĕнче уçнă, çав кун Уйкасра Ял кунĕ иртнĕ.
Укăлчара хăнасене Çĕрпӳ район пуçлăхĕ Татьяна Кузьмина тата Апакасси ял тăрăхĕн пуçлăхĕ Анатолий Пермяков кĕтсе илнĕ.
Çурт çывăхĕнчи сарлака урамра вăйă картине тăнă пикесем Орлов-Шуçăм Композиторăн юррисене шăрантарнă. Кунтах Аристарх Гав-риловичăн çeмье архивĕнчи сăн ӳкерчĕксенчен курав йĕркеленнĕ.
Çĕрпӳ район администрацийĕн пуçлăхĕ Юрий Николаев ял çыннисене паллă кунпа сапамланă май общество тата культура пурнăçĕнче палăрнă ентешĕсене Тав хучĕпе чысланă. Çав йышра –паплă композиторăн çывăх тăванĕсем те.
Аристарх Орлов-Шуçăмăн произведенийĕсен кĕвĕлĕхĕпе наци сĕмĕн пуянлăхĕ пирки ЧР культура министрĕн пĕрремĕш çумĕ Вячеслав Фошин, ЧР Композиторсен союзĕн председателĕ Николай Казаков чарăнса тăнă. ЧР Патшалăх Канашăн депутачĕсем Валерий Андреев, Вадим Николаев тата Çĕрпӳсем тĕп хулари ентешлĕхĕн ерт ӳçи Владимир Егоров кĕвĕ-çемĕ ăстин тăван культурăри пĕлтерĕшĕ вышкайсăр пысăк пулн.
Асăну хăмине уçнă, чечексем хунă хыççăн иртнĕ. Композиторăн чуна пырса тивекен произведений халăх артисчĕ Морис Яклашкин ертсе пыракан Чăваш патшалăх симфони капелли, районти пултарулăх ушкăнĕсем шăрантарнă.
Уяв кĕрекине ларнă хăнасене шӳрпепе сăйланă.
Надежда Георгиева.