ĔçкĔ-çикĔ
такмакĔсем
Пĕрре,
иккĕ, виççĕ,
Ташлама тохас терĕм.
Ташлама тохас терĕм
те
Чуна йăпатас терĕм.
Кала, кала, гармонист,
Ахаль тумăп эп сана.
Чĕрĕк литр
«московски»
Сиен кўмĕ вăл
сана.
* * *
Çавра кўлĕре,
Шыв
çавр(ă)нать-и вара?
(Э)пер кунта
ташланăшăн
Намăс пулать-и вара?
Интереслĕ
тĕлĕк куртăм,
Никама та каламас.
Тепĕр чĕрĕк
ĕçтермесен
Ним туса та
кăтартмас.
Эп ташлама тухатăп,
Уткаласа çўретĕп,
Уткаласа улталаса
Сăрине те ĕçетĕп.
Итакачкасси ялĕ. С.М. Паргеев çырса
панă.
Симĕс утă ме
сикет?
Тимĕр сенĕк
сиктерет.
(Э)пер кунта ме сикетпĕр?
«Московски» сиктерет.
Ула ĕне
пăрушĕ
Ула пулать-и вара?
(Э)пер кунта
ташланăшăн
Намăс пулать-и вара?
Пальто, пальто, пальтоях
Виç тўмеллĕ
пулсан та.
Старик, старик, стариках
Хура, лутра пулсан та.
Симĕс курăк
сухан мар,
Таптасан та ним те мар.
(Э)пер кунта ют çĕрте
мар,
Ташласан та ним те мар.
Кăрчи-кăрчи
кăрчами
Карчăк кутне
пăркалать,
Карчăккинне анчах
мар,
Хамăр(ă)нне те
пăркалать.
Кăрчи-кăрчи
кăрчами
Сирпĕнтерчĕ
маччана.
Мачча хăми тĕп-тĕрлĕ,
Пирĕн питсем хĕп-хĕрлĕ.
Лаппи-лаппи, лаппипе,
Лаппи пĕтсен тунипе.
Пирĕн лаппи пĕтес
çук,
Туни вĕçне
юлас çук.
Ташши-ташши,
Сала кайăк ташши.
Сала кайăк ташши мар,
Нискассисен ташши.
Пулатех, пулатех,
Ташши-юрри пулатех.
Ташши-юрри пулмасан та,
Намăс курма пулатех.
Юман-и-ха сир(ĕ)н
урай,
Çăка-и-ха сир(ĕ)н
урай?
Эпир ташă
пуçласан
Чăтать-и-ха сир(ĕ)н
урай?
Юман-и-ха сир(ĕ)н
урай,
Çăка-и-ха сир(ĕ)н
урай?
Юман пулсан аватпăр,
Çăка пулсан
хуçатпăр.
Пўрт умĕнче
йăмра пур,
Йăмра çинче
тăмра пур.
Тăмра нумай
каламасть,
Ыр çын нумай
ташламасть.
Нискасси ялĕ, Ева Васильевна тата Николай Иванович
Петровсем пухнă. 2003 ç.
* * *
Ма кайрăм-ши Макара?
Каймаллаччĕ Сахара.
Сахар арĕм пулнă
пулсан
Сиктеретчĕ
сăпкара.
— Кай, кай Ивана,
Ма каймастăн Ивана?
— Кайса пăхрăм
Ивана,
Ыталамасть вăл мана.
Ан пăхăр пире,
Ан тиркĕр пире.
Эпир кунти çынсем
мар,
Паллаймастăр пире.
Атапай ялĕ, Е.К.Колбасова çырса илнĕ.
1989 ç.
Анне мана каларĕ:
Кĕрен тутăр
çых терĕ.
Ĕçке-çике
тухсассăн
Ташласа юрла терĕ.
Урапи куссах пырать,
Тусанĕ вĕçсех
пырать.
Юрламăттăм,
ташламăттăм —
Ĕмĕрĕм
иртсех пырать.
Витри çутă
пулсан та
Шыв ямасăр лартас
мар.
Ĕçсе
çирĕмĕр пулсан та
Савăнмасăр ларас
мар.
Пулă çирĕм,
пулă çирĕм,
Халĕ шыв ĕçес
килет.
Кукăль çирĕм,
сăра ĕçрĕм,
Халĕ ман ташлас
килет.
Саркаланса каю
çултăм
Путексене çитерме.
Сăра ĕçрĕм,
сăра ĕçрĕм
Саркаланса ташлама.
Авкаланать,
хуçкаланать
Тесе ан калăр пире.
Хăта-тăхлач
сăрийĕ
Авкалантарать пире.
Эп вăрмана каяс
çук,
Упа сарри татас
çук.
Эпир ўсĕр пулас
çук,
Упаленсе каяс çук.
Хоп тесе каласси
Çўçе хуппи
сўни мар.
Юрланипе ташлани
Çынна усал туни
мар.
Ура тăсса лармасан
Çут калуша кам
курать?
Авкаланса ташламасан
Пире кунта кам курать?
Хура çĕрçĕн
тутăрне
Юсамасăр çыхас
мар.
Тăвансем патне килнĕ
чух
Ташламасăр каяс мар.
Хорнуй ялĕ, Р.Ю.Филиппова (1971) çырса
панă. 2003 ç.
* * *
Хура кĕрĕк
хăтсăр пулчĕ
Те сак çинче
каснăран.
Ман кĕлеткем
хăтсăр пулчĕ
Те тăлăххăн
ўснĕрен.
Тур лашийĕ туртать
тесе
Возне йывăр ан тийĕр.
Çук
çын хĕрĕ чăтать тесе
Ытла йывăр ан
калăр.
Турă лашине кўлнĕ
кун
Кунĕ пулчĕ тĕтреллĕ.
Эп çитĕннĕ
вăхăтра
Самани пулчĕ
вăрçăллă.
Шăпчăк калать:
шип-шип тет,
Санăн телей
çук-çук тет.
Манăн телей
çуккине
Ăçтан пĕлчĕ-ши
шăпчăкĕ?
Вăрман
чăтлăх, кĕрме çук,
Пуртти катăк, касма
çук.
Юрлать, савăнать
теççĕ пуль,
Юрламасăр чăтма
çук.
Уличари тăваткал
çăлне
Тăваттăн
тăрса ан ăсăр.
Ой, тăвансем,
ял-йышсем,
Тăваттăн
тăрса ан тиркĕр.
Утмăл хăма пĕр
кĕпер,
Вун улттăнах
каçрăмăр.
Утмăл çулхи
хуйхине
Вун улттăрах
куртăмăр.
Сатин саппун çакман
çын
Сатин хакне
ăçтан пĕлет?
Хуйхă тытса курман
çын
Çын хуйхине
ăçтан пĕлет?
Вомпăкасси ялĕ, М.М.Кузнецова (1929)
çырса панă. 1999 ç.
