Нина Николаевнăпа Иван Максимович Максимовсем хăйсен пурнăçне ачасене вĕрентсе воспитани парас ĕçе халалланă, иртнĕ ĕмĕрте пултаруллă учительсем районти шкулсенче ĕçленĕ, çемье пуçĕ чылай хушă Тенири тата Ураскилтри шкулĕсенче директор пулнă. Тивĕçлĕ канăва тухсан мăшăрсем Шупашкара пурăнма куçса кайнă.

Вĕсем 1937 çулта çемье çавăрнăранпа кăçал 70 çул çитрĕ, çак ятпа юбилярсем сайра тĕл пулакан хаваслă платина туй ирттернĕ. Шупашкарти ЗАГС ĕçченĕсем каланă тăрăх, республикăра ватăсем çитмĕл çул пĕрле пурăнса кун пек туй тунине вĕсем те астумаççĕ.

Халĕ Иван Максимович 96-ра, мăшăрĕ 89 çулта. Телейлĕ мăшăрсем пилĕк ывăлпа çичĕ мăнук ÿстернĕ, мăнукĕсен икĕ ачи те вĕсене савăнтараççĕ.