Клуба тирпей-илем кӗртрӗç

Ял клубӗ вырӑнта пурӑнакан халӑхшӑн пысӑк пӗлтерӗшлӗ. Кунта уявсемпе концертсем, пухусемпе тӗлпулусем иртеççӗ, спектакльсем лартаççӗ, пултарулӑх ушкӑнӗсем чӑмӑртанаççӗ.

Вӑрман Енӗш клубӗ чӑваш халӑхӗн ырӑ йӑли-йӗркине тытса пырать. «Енӗшсем» фольклор ушкӑнӗпе театр кружокӗ ӑнӑçлӑ ӗçлеççӗ кунта. Тавра пӗлӳ кӗтесӗ тӑван халӑхӑн кун-çулӗпе, унӑн пуян историйӗпе паллаштарать. Стендсенче вырӑнти ӗçпе вӑрçӑ паттӑрӗсем, тӑван ял пурнӑçӗ, пултарулӑх ушкӑнӗсен ӗç-хӗлӗ сӑнланнӑ.

Культура вучахне тирпей-илем кӗртес тесе çу каçипех тӑрӑшрӗç ӗçченсем. Чи малтанах чӳречесене улӑштарчӗç. Укçа-тенкӗ енчен ялти хастарсемпе Герасимов В.Н. хресчен фермер хуçалӑхӗ пулӑшрӗç.

Н.И. Артемьев пуçарӑвӗпе сӗтелсемпе саксене, урайпа алӑксене сӑрларӗç, сценӑна капӑрлатрӗç. «Тумлантарсан тунката та пукане»,- тенӗ чӑвашсем. Йывӑç çурт хӑйӗн сӑнне улӑштарчӗ. Çӗнӗ чӳрече каррисем çаксан пушшех илемленчӗ вӑл.

Çак кунсенче Ямашран пукансем илсе килчӗç, вӗсене çуса тасатса вырнаçтарчӗç. Клуб хӑнасемпе ял-йыша кӗтсе илме хатӗр ӗнтӗ.

фоторепортаж

Ямашевское сельское поселение