Асамлӑ йӗрке

Еремеев, Николай Петрович. Куҫҫуль ҫырми [Текст] = Река слез : сӑвӑсем. Чӑвашла тата вырӑсла / Н. П. Еремеев. - Шупашкар : Перфектум, 2017. - 115 с.

"Куҫҫуль ҫырми" - Ульяновск хулинче пурӑнакан пирӗн пултаруллӑ та ӑста поэтӑн улттӑмӗш кӗнеки. Унӑн пӗр сӑввине вулатӑн та часрах теприне вулас килет, поэт мӗн шутланине, вулакнсене мӗскер каласа кӑтартас тенине часрах пӗлес килет. 

 Сатур, Станислав (1959-). Юхӑмра : суйласа илнисем / Станислав Сатур ; [Н. Ильина, В. Андреев умсӑмахӗсем ; ӳнерҫи С. А. Бритвина]. - Шупашкар : Чӑваш кӗнеке издательстви, 2017. - 335 с. : ил., портр. ; 20 см.

Станисла Сатура час-часах ансат та ҫав вӑхӑтрах кӑткӑс, вӑртӑн лирика ӑсти тесе хаклаҫҫӗ. Кӗнекере халиччен пичетленнӗ хайлавсемпе пӗрлех ҫӗнӗ йӗркесем нумай. Вӗсене пӗр "ҫыхха" кӗртни лирика геройӗн кӑмӑлӗ епле улшӑнса пынине уҫҫӑн кӑтартма май парать. Сӑвӑҫ вырӑсларан юрӑсем чылай куҫарнӑ.

 Сементер, Юрий. Ҫырнисен пуххи / Юрий Сементер ; [Л. П. Петров ред.]. - Шупашкар : Ҫӗнӗ Вӑхӑт, 2015 .

4-мӗш том : Ӳнер ӗшни : [сӑвӑсем / Н. Кириллова умсӑмахӗ]. - 2017. - 483 с.

Ҫырнисен пуххин тӑваттӑмӗш томне Чӑваш халӑх поэчӗн Юрий Сементерӗн паллӑ чӑваш ҫыравҫисенне, композиторӗсене, художникӗсене, сцена ӑстине халалласа ҫырнӑ хайлавӗсене кӗртнӗ.