03.03.2017 _ Тăван чĕлхе вĕрентекенсем-фестивальте

Чăваш Республикин вĕренÿ институчĕ пултаруллă вĕрентекенсене тупса палăртас тата чăваш чĕлхипе литератури учителĕн профессине тивĕçлĕ шая çĕклеме май туса парас тĕллевпе çулсерен «Чăваш чĕлхипе литератури. Уçă урок – 2017» фестиваль ирттерет. Кăçал пултарулăх уявĕ Чăваш Республикин вĕренÿ институтĕнче пиллĕкĕмĕш хут иртрĕ.

Фестивальте кашни вĕрентекен хăйсен ĕçне творчествăллă хÿтĕлерĕ. Фестивале хутшăнакансем мультимеди презентацийĕпе е буклетпа, е комментариленĕ видео урок фрагменчĕпе усă курса урокăн тĕп тапхăрне методика енчен ăнлантарчĕç. Жюри ăмăртăва хутшăнакансен ĕçне-хĕлне урока хатĕрленĕ чухне тĕрлĕ культура хутшăнăвĕпе тата çĕнĕ технологипе усă курнине, ачасем валли хатĕрленĕ презентацин содержани пуянлăхне, вăл ытти ĕçсенчен уйрăлса тăнине тата урок тапхăрне педагогикăпа методика енчен пĕлсе тишкернине пăхса хакларĕç. Йăнтăрчă шкулĕнчен асăннă фестивале чăваш чĕлхипе литературине вĕрентекен Васильева Г.П. хутшăнчĕ, призерсен йышне кĕчĕ.

Галина Петровнăна  республика фестивалĕнче хутшăнса пултарулăха тĕрлĕ енлĕ ăста кăтартнăшăн эпир ăшшăн саламлатпăр, тав тăватпăр, малашне те ăмăртусене хастар хутшăнма ăнăçу сунатпăр.