10.02.2017 _ ЧĂВАШСЕН ЛЕГЕНДАРЛĂ ГЕРОЙНЕ – 130 ÇУЛ

Чăвашсен легендарлă геройě В.И.Чапаев çуралнăранпа нарăс уйăхěн 9-мěшěнче 130 çул çитрě. Çак манăçми  паттăра халалласа Чутейри пěтěмěшле пěлӳ паракан вăтам шкулти 5-мěш класс ачисемпе килти вулав урокě ирттертěмěр. Урокра Нестер Янкасăн «Чапаев вилěмě» сăввине палăртуллăн вуласа тишкернě хыççăн чăваш паттăрěн пурнăçне, унăн кун-çулне çутатса паракан мультимедийлă презентаципе паллашрăмăр.

Вулав, курав хыççăн вěрентекен ыйтăвěсем çине хуравлакансем хушшинче Шамбулина Ксения, Михайлова Елена, Козлова Мальвина,  Мясникова Ксения, Шашкова Анна, Яклашкин Евгений маттуррисем пулчěç. Ачасем В.И.Чапаев çинчен кино, ӳкерчěксем курнине, кěнекесем вуланине асăнчěç. «В.И.Чапаевăн музейне çитсе курсан та питě аванччě, ун  пекех мухтавлă та хăюллă, харсăр  пуласчě пирěн»,- вěçлерě сăмахне вěрентекен.

Л. Михайлова,

чăваш чěлхипе литературине вěрентекен,

Чутейри пěтěмěшле пěлӳ паракан вăтам шкул