27.05.2016 _ Пресс-центр пĕлтерет

Районĕпе пĕрчĕллĕ тата пăрçа йышши тĕш тырă культурисене пурĕ 9902 гектар (планăн 100 проценчĕ чухлĕ) акса хăварнă.

Кукурузăна майăн 26-мĕшĕ тĕлне 560 гектар вырăн панă, çак шутран "Акконд-агро фирма" ХАО 230 гектар, "Чутеевский" ЯХПК - 80, "Кубнинский" агрофирма - 25, С.Илларионов ХФХ - 120, "Красная Чувашия" ЯХПК - 65 тата "Дружба" ЯХПК 30 гектар акнă.

Çĕрулми А.Моряков хресчен фермер хуçалăхĕнче 12, Ю.Федоров тата С.Михайлов хуçалăхĕсенче 15 тата 35 гектар йышăннă. Хăш-пĕр пысăках мар хресчен-фермер хуçалăхĕсенче те пĕрер е çуршар гектар çĕрулми лартма тăрăшаççĕ.

Нумай çул ỹсекен курăксене кăçал 745 гектар хăй хальлĕн тата 250 гектар ытти культурăсемпе пĕрле акса хăварнă.

"Акконд-агро фирма" хупă акционерлă общество çитес кунсенче козлятнике сенажлăх çулса хатĕрлеме палăртать.

Районти хуçалăхсенче ĕне выльăхсене кĕтỹ кĕтмелли çуллахи тапхăра куçарассине вĕçленĕ.

АУ «Редакция Янтиковской районной газеты «Ял ěçченě» («Сельский труженик») Мининформполитики Чувашии