24.05.2016 _ "Акатуй-2016" уява хатĕрленсе

Ĕç эрни ларуран пуçланчĕ. Район администрацийĕн пуçлăхĕ Владимир Ванерке йĕркелесе пычĕ ăна. Вăл хыçа юлнă эрнери ĕçсене пĕтĕмлетрĕ, тумалли тĕллевсене палăртрĕ.

"Районти юрă, ĕçпе спорт уявĕ "Акатуй-2016" июнь уйăхĕн 11-мĕшĕнче пулать. Ăна кĕтсе илме лайăх хатĕрленмелле, спорткомплекс территорине тасатнă çĕрте пурин те активлăх кăтартмалла",- терĕ Владимир Алексеевич.

Надзор ĕçĕсен пайĕн начальникĕ Владимир Михайлов пушар хăрушсăрлăхĕн ыйтăвĕсене татса парассипе коллективсенче тимлĕрех пулма сунчĕ.

Полици уйрăмĕн начальникĕн çумĕ Владимир Федоров, Тăвайри больницăн тĕп врачĕ Наталия Мефодьева, "Аль" спорткомплекс директорĕ Анатолий Кириллов, организаципе контроль ĕçĕсен тата информаципе тивĕçтерекен пай начальникĕ Валерий Чайкин, строительство, çул-йĕр, пурăнмалли çурт-йĕрпе коммуналлă хуçалăх ĕçĕсен тата вĕрентỹ пайĕсен ертỹçисем Тамара Дьяконовапа Олег Ломоносов тухса калаçнă. Финанс тата социаллă аталанупа архив ĕçĕсен пайĕсен начальникĕсем Александр Сергеевпа Наталья Чайкина тĕрлĕ информаци пĕлтернĕ.

Юлашкинчен район администрацийĕн пуçлăхĕ сĕнỹсем панă.

Н.ФЕДОРОВА.

АУ «Редакция Янтиковской районной газеты «Ял ěçченě» («Сельский труженик») Мининформполитики Чувашии