Внимание!
Эта страница из архивного сайта. Информация может быть не актуальной.
Адрес нового сайта -
http://yantik.cap.ru/
2015 çул Раççей Президенчĕн В.В.Путинăн указĕпе килĕшỹллĕн Литература çулталăкĕ ятпа иртрĕ.
Пулас ăрусене илеме туйса, юратса вулама хавхалантарас тĕллевпе район шайĕнче те тĕрлĕ мероприятисем пулса иртрĕç.
Нумаях пулмасть, акă, Элпуçĕнчи вăтам шкулта çулталăка вĕçленине палăртса И.Петровапа Н.Ашмаева учительсем вырăс чĕлхипе литература эрни ирттерчĕç. 5-9 классенче творчествăлла конкурссем, викторинăсем пулчĕç. Чи асра юлаканнисем вара - А.Пушкин юмахĕсем тăрăх лартнă "В гостях у лукоморья" тĕлпулу, К.Симонов çыравçăна халалланă литература тĕпелĕ, С.Есенина чысласа ирттернĕ "Поэт в России больше, чем поэт" поэзи каçĕ.
Асăннă мероприятисене хатĕрленсе вĕренекенсем поэтсен пурнăçĕпе пултарулăхне тишкерчĕç, презентацисем хатĕрлерĕç, сăввисене пăхмасăр илемлĕ калама вĕренчĕç, юмах сыпăкĕсене артистсем пек сцена çинче выляма хăнăхрĕç. Жюри пурин ĕçне те тивĕçлĕ хак пачĕ. Сăвă вулакансен конкурсĕнче Анастасия Моисеева (8 класс), Виктория Ильина (6 класс), Ольга Моисеева, Мария Гаврилова, Ольга Федорова (9 класс), Дарья Яковлева, Милана Ефремова, Анастасия Афанасьева (7 класс) чи пултаруллисем пулчĕç. Виктория Ильинапа Сергей Ярцев Пушкин юмахĕсене аван пĕлнипе савăнтарчĕç.
Асăннă вĕренекенсене шкул администрацийĕ грамотăсем парса хавхалантарчĕ.
Н.АШМАЕВА, И.ПЕТРОВА.