13.11.2015 _ Тăван чĕлхене хисеплесе ỹсчĕр

Пирĕн ачасене мĕн пĕчĕкренех тăван чĕлхене юратма вĕрентмелле. Вĕсене чăвашла кĕнекесем туянса памалла. Ытларах чăвашла калаçмалла.

Кăçалхи çу уйăхĕнче чăваш литературин классикĕ К.В.Иванов çуралнăранпа 125 çул çитрĕ. 2015 çула Чăваш Енре "Нарспи" поэмăн вилĕмсĕр авторне халалланă. Çак кунсенче район центрĕнчи 2-мĕш номерлĕ ача садĕнчи "Çăлтăр" ушкăна çỹрекенсемпе литература çулталăкĕ ячĕпе Иванов кунне ирттертĕмĕр.

Поэт кун-çулĕпе пултарулăхĕ çинчен каласа панине тимлесе итлерĕç ачасем. Вăл юмахсем те çырнине пĕлсен, вĕсемпе паллаштарма ыйтрĕç. "Нарспи" поэма содержанийĕ те кăсăклă пулчĕ вĕсемшĕн.

Пуш уйăхĕн вĕçĕнче

Хĕвел пăхрĕ ăшăтса.

Силпи чăваш ялĕнче

Юр ирĕлчĕ васкаса.

Поэмăри çак сăвă йĕркисене кашниех пăхмасăр калама вĕренчĕ. Юлашкинчен пĕчĕк шăпăрлансем Сентти пек "лашалла" выляса савăнчĕç.

З.ПАВЛОВА, воспитательница.