13.10.2015 _ Чăвашлăх пурăнать, аталанать

Иртнĕ кунсенче "Хыпар" хаçат корреспонденчĕсем Роза Власовапа Андрей Михайлов Енĕш Нăрвашра пулнă. Чи малтанах вĕсем ялти ватă та сумлă çынпа, ЧАССР тава тивĕçлĕ агрономĕпе А.Н.Ефимовпа тĕл пулса калаçнă. Хăйĕн ĕçĕ-хĕлĕ, хальхи ял пурнăçĕ çинчен шухăш-кăмăлне пĕлтернĕ вăл.

Ялти историпе асăну музейĕнче "Хыпарçăсем" - яланах кĕтнĕ хăнасем, тăтăшах унăн ĕçĕпе паллашаççĕ, çуллен тĕрлĕ енлĕн пуянланса пынине палăртнă ку хутĕнче те. Çыравçăсене уйрăмах халăхăн пурлăх тата ăс-хакăл, пурнăç йĕркипе йăлисене сăнлакан пỹлĕм тыткăнланă. Ялти культура ĕçченĕсемпе тĕл пулу ирттернĕ. "Саймал" ушкăн хăш-пĕр юррисене итлесе çырса илнĕ, сăн ỹкерчĕксем тунă. Шкул ĕçĕпе те интересленнĕ.

"Енĕш Нăрвашра чăвашлăх пурăнать, аталанать, музей - чăн-чăн аваллăх управçи",- тесе палăртнă журналистсем.

В.ПЕТРОВ. Енĕш Нăрваш ялĕ.