2016.03.04 Комиссин черетлĕ ларăвĕ

Иртнĕ тунтикун район администрацийĕн ларусен залĕнче Пĕтĕм Раççейри ялхуçалăх çыравне хатĕрленсе ирттерес тĕлĕшпе туса хунă районти комиссин черетлĕ ларăвĕ иртнĕ. Ларăва Пĕтĕм Раççейри ялхуçалăх çыравне хатĕрленсе ирттерес тĕлĕшпе туса хунă районти комисси председателĕ С. Молотков йĕркелесе пынă. Пухăннисем умĕнче район администрацийĕн ялхуçалăх, экологи тата пурлăха тытса пырас пайăн начальникĕн çумĕ В. Васильев “Трак енре шутран кăларнă хресчен (фермер) хуçалăхĕсен çĕр участокĕсене йĕркене кĕртес тĕлĕшпе районти комиссин йышăнăвне пурнăçа кĕртессипе епле ĕçлесе пыни çинчен”, Трак енре Пĕтĕм Раççейри ялхуçалăх çыравне хатĕрленсе ирттерес тĕлĕшпе ĕçлекен Н. Николаева уполномоченнăй “2016 çулхи Пĕтĕм Раççейри ялхуçалăх çыравне ирттернĕ тапхăрта ял ĕçченĕсем хушшинче информаципе ăнлантару ĕçне йĕркелесе пырасси çинчен”, “Районта Пĕтĕм Раççейри ялхуçалăх çыравне хатĕрленсе ирттернĕ тапхăрта комиссин кăçалхи ĕç планĕ çинчен” темăсемпе тухса калаçнă, умра тăракан тĕллевсемпе паллаштарнă, ыйтусем çине хуравланă.