2015.08.04 Регистраторсем кам патне пыраççĕ?

Çитес çулхи июлĕн 1-мĕшĕнчен тытăнса августăн 15-мĕшĕччен Пĕтĕм Раççейри ялхуçалăх çыравĕ иртет. Ăна хатĕрленнĕ май хула округĕсенче, граждансен коммерцилле мар пĕрлешĕвĕсенче çырав объекчĕсен сведенийĕсене тĕрĕслеcе тăма Чăвашстат вăхăтлăха регистраторсене ĕçе йыхравлать. Регистратор пулма 18 çул тултарнă, ĕçлеме тата калаçма пултаракан, ăслă, муниципаллă пĕрлешỹре пурăнакан тивĕç. Вĕсем "пĕрремĕш похода" кăçалхи сентябрĕн 1 — 15-мĕшĕсенче тухĕç. Регистраторсем çак хушăра ялхуçалăх çыравĕн объекчĕсен списокĕсене тĕрĕслесе тухĕç. Çакăнта çынсен хуласенчи тата хула майлĕ поселоксенчи уйрăм хушма тата ытти хуçалăхĕсем, çавăн пекех сад, пахчасен тата дачăсен коммерцилле мар пĕрлешĕвĕсем пулĕç. Регистраторсен хула çывăхĕнчи кашни уйрăм çурт-йĕре кĕрсе тухмалла. Сад юлташлăхĕсен председателĕсем пулăшу кỹнипе дача массивĕсенче дача участокĕсен лару-тăрăвне тĕпчесе пĕлмелле, вĕсем юлашки çулсенче тĕрлĕ сăлтавсене пула япăхса кайнă е вĕсене урăх сăлтавсемпе усă кураççĕ. Чăваш Енре çырав объекчĕсен списокне тĕрĕслеме 107 регистратора явăçтараççĕ, вĕсем килĕшỹпе 15 календарьлĕ кун тăрăшĕç. Малтан вĕсене, ĕçе кỹлĕниччен, вĕрентме пăхнă. Регистраторсен "похода" тухас умĕн удостоверени кăтартмалла.